U yaankunsik u kananil kúuchilo’ob yéetel jun p’éelili’ u jo’ol poolil u mo’ola’ay meyajilo’ob kanan kaajo’ob ti’ méek’táan kaajo’ob yéetel tuláakal péeten lu’umo’ob. Tuláaklilo’ob ti’ jun p’éelili’ bej, tu yáanal jun p’éelili’ tuukul, u kananil ma’ u yúuchul loobil yéetel u xu’ulsa’al k’a’asa’anil.
Tu ja’abil 2022e’ u mu’uk’a’ankunsa’an u ka’ansa’al kanan kaajo’ob, chiinpoolta’ano’ob, k’ambe’enkunsa’ano’ob, yaan k’ub óolil ti’ob yéetel chuka’ankunsa’an u nu’ukulo’ob.
Tuláakalilo’ob yáanal jun p’éelili’ u paakatil meyaj: “ka yaanlak jun p’éel Quintana Roo tu’ux mina’an loobil, yaan jets’elnakili’”.
U mu’uka’ankunsa’al jun p’éel u túumben jo’ol poolil u meyajil kanan kaaj je’ex le tu beetaj le SSP, jach ka’ana’an ti’ jun p’éel u tuukulil meyaj ku k’exik tuláakal, ku péeksik u muuk’ u meyaj kanan kaajo’ob yéetel u yuumilo’ob kaaj ti’ jun p’éelili’ tuukul: jun p’éel Quintana Roo tu’ux mina’an loobil, yaan jets’elnakil.
U bin utsil tu tuukulil le meyaja’ ti’ yaan tu ch’a’abal u toj bejil u tuukulil u yaantal jets’elnakil te’ Péeten Lu’uma’, yéetel u meyajil tu’ux ku táakbejsa’al tuláakal u beelil, u nu’ukulil, yéetel u kuxtal u meyajtsil le mo’olayilo’ yéetel le kanan kaajo’obo’.
Táakmuuk’bil ichil le Mo’olay Meyajo’, jun p’éel kúuchul tu’ux ku páajtal u jóok’ol táanil máak, u kúuchil u meyaj yéetel u láak’tsilil le x ch’úupo’ob yéetel le xiibo’ob ku kanan kaajo’ob; chúun u beelil u líik’jo’olta’al u chiinpoolta’al u meyaj le kanan kaajo’obo’, keet u bin yaantal yéetel u bin u jach utsiltal u meyaj le máako’ob ka’anantik u jets’elóolil u kajnáalilo’ob quintanaroo.
Le meyajo’ ma’ chika’an u yichil chen yéetel u jets’t’aanil tu’ux kun k’uchul yéetel ba’ax kun beetbili’, k’a’ana’an u yaantal u jo’ol poolilo’ob nu’uktik u beelilo’ob yéetel u yutskuntik le ba’alo’ob ku bin u jóok’olo’ob k’aasilo’.
U pat tuukulilo’ob le meyajo’obo’ k’a’ana’an u ts’áabal k’ajóoltbil ma’ chen tumen u kajnáalilo’ob le Péeten Lu’uma’ tak xan tuláakal u múul meyajilo’ob le SSP. K’a’ana’an u beeta’al yéetel u tuukulil u táakbejsa’al tuláakal máak yéetel tuláakal tu’ux.
Respeto y fidelidad que tienen los policías hacia la sociedad, sus compañeros y la institución.
U meyaj le x kanan yéetel j kanan kaajo’obo’, ku toj táanta’al tumen u beelil jola’an tumen le SSP.
K’a’ana’an u yaantal ti’ tuláakal le máako’ob ku meyaj ti’ u kanananil kaaj ka páajchajak u táanóoltik u ya’almaj t’aanil kaaj yéetel u xu’ulsa’al u paalitsilil kaaj.
U meyajil kanan kaaje’, jun p’éel ba’al ku ts’aik ki’imakóolalil te’ máako’ob meyajtiko’.
Ku k’ubik u kuxtal tuláakal le x ch’úupo’ob yéetel le xiibo’ob ku meyajo’ob sáansamal ti’ u kanantiko’ob u tojóolalil u kajnáalilo’ob kaaj.
U túumben ichil u chimalil kanan kaaje’ ku ye’esik u núup’ul ya’abkach ba’alo’ob ts’aik u paakatil u péeten lu’umil Quintana Roo, ku kaxtiko’obe’ ka mu’uk’a’ankunsa’ak u tuukulil u yu’ubikuba máako’ob táakpaja’ano’ob ti’ u noj muuk’il jets’elnakil, yéetel u nu’ukbesajilo’ob jaajil óol yéetel ki’imakóol ti’ u mo’ola’ay meyajo’ob, ku táakmuk’tik u noj k’ub óolil u kananil u kuxtal kaaj.
Le Lic. Jesús Alberto Capella Ibaarrao’, u ts’o’oksmaj u ka’anlil u xookil ti’ meyajt u nu’ukbejil a’almaj t’aan, síij ti’ u noj kaajil Tijuana, Baja California, México.
Meyajnaja’an ti’ u jejeláasil kúuchil ma’ jo’oli’inta’an tumen jo’ol póopili’ yéetel xan jach t’íilja’an u meyaj ti’ u mo’ola’ay meyajilo’ob ku yilik ba’alo’ob ti’ kaaj, ti’ u yuumilo’ob kaaj yéetel meyajilo’ob. Jach u ch’ikmajuba u meyajt u xu’ulsa’al le ookolilo’ ti’ u yaantal jun p’éel jach utsil meyaj yéetel jets’elnakil ti’ kaaj. Tu ja’abil 2006e’ tu chúunsaj jun p’éel nojoch meyaj yéetel kaaj tu yóok’ol u táanóolil u kuxtal kaaj le ka’ach leti’ u nojoch jo’ol poolil u Múul Nu’ukbejil ti’ u Táanóolil u Kuxtal Kaaj tu Péeten Lu’umil Baja California.
Tu k’iinil 19 ti’ oktuubre tak 5 ti’ noviembre tu ja’abil 2006e’ tu jo’olintaj jun p’éel tak pool xíimbalil tu yo’osal le máako’ob ku yajóolo’ob tumen le loobililo’, tu xíimbaltajo’ob u jo’ p’éel méek’tankaajil Baja California, jun p’éel péeten lu’umil yaan tu xamanil Meejikoo. Le xíimbalilo’ tu náajaltaj u túuxta’al j waacho’ob kanantik le kaaj te’ loobilo’, te’ okolmáakilo’ yéetel le kíinsajilo’obo’.
Ti’ u chúumbal u meyaj u jo’ol p’óopil méek’tankaaj tu ja’abil 2007e’ páayt’anta’ab u jo’olint u Noj Kananil u Kaajil Méek’tankaaj, óox p’éel k’iin u bin u súutul u meyajnáalil kaaje’ beeta’ab loob ti’ tu najil, tu k’iinil 28 ti’ nobieembree tu ja’abil 2007, ma’ k’uch u náajaltiko’ob u beetiko’ob ba’ax ku tukliko’obi’.
Meyajnaj jun p’éel ja’ab u poolil jun p’éel kúuchil meyaj jach k’ajóola’an yéetel u jach k’asa’anil u meyaj tu lu’umil Meejikoo, tu jets’aj u beelil ti u yutskintik u meyajil tu’ux tu tselaj meyaj ti’ 400 jun túulul le jach ila’ab yaan ba’ax yaan u yil le loobil máako’obo’.
Te’ tu jeel le jo’ol póopil chúun u meyaj tu ja’abil 2010o’ tu beetajuba u nu’ukbejil ti’ u kananil kaaj yéetel 2011e’ ka’a suunaj u beet u Noj Jo’ol Poolil u Kananil Kaaj te’ Méek’tankaajo’ tak tu ts’o’obal u meyajil.
Tu k’iinil 6 ti’ enero tu ja’abil 2014e’, j Jesús Alberto Capella Ibarrae’ páayt’anta’ab tumen u Jo’ol Póopil u péeten lu’umil Morelos, j Graco Ramírez ti’ u beet u jo’olil u kúuchilil u meyaj u Noj Jo’ol Poolil u Kananil Kaaj, tu wi’inalil áabril tu ja’abil 2014e’ ts’áab u beet u Noj Jo’ol Poolil u Kananil Kaaj te’ Péeten Lu’umo’, tu’ux tu beetaj jun p’éel jach taj ma’alob meyaj tak tu wi’inalil septieembre tu ja’abil 2018.
Tu k’uchbale’, chúunpaj u ka’a jaatsil u meyajil Noj Jo’olil tu’ux ch’a’ab u nu’ukbejil u tojtáanta’al u meyaj u kananil kaaj ti’ 33 jun p’éelel méek’tankaajo’ob, yéetel lela’, Morelose’ súut u yáax péeten lu’umil tuláakal u lu’umil Meejikoo tu’ux ku táakbejsa’al tuláakal le méek’tankaajo’ob ti’ u tuukulil u tojóolil kaaj.
Yéetel u chíikulal u Boonil u Yila’al Loobil te’ noj lu’uma’, jun p’éel u tuukulil u meyaj kaaj tu yóok’ol u jets’óolil Meejikooe’, tuláakal u k’iinil meyajnaj aktáanil ti’ u Péeten Lu’um Nu’ukbejil Jets’óolil ti’ Kaaje’, Morelose’, le péeten kaaja’ éem u sen úuchul o yokolta’al máak, u tu’usul u yokolta’al máak, u yokolta’al le j koonolo’obo’, le loobilo’obo’, le óolajilo’obo’ yéetel u kíinsa’al le x ch’úupo’obo’.
Tu k’iinil septiembre tu ja’abil 2018, ka tu k’amaj j Jesús Albeto Capella Ibarra u páay t’aan u Noj Jo’ol Póopil u péeten lu’umil Quintana Rooe’, j Carlos Joaquín González, ti’ u beet u meyajil u Noj Jo’olil u Kananil Kaaj, le beet u súutul bejla’ak u Noj Jo’olil u Kananil Kaaj te’ péeten Lu’uma’.
nostrum unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi..
Continue reading..
Nostrum unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi architecto beatae vitae dicta. sed quia conse quuntur magni..
Continue reading..
nostrum unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi..
Continue reading..
